ALS Senior High School Lesson Series: Introduction to
Calculus
Lesson 1 - Understanding "Limits" (Ang Konsepto ng Paglapit)
Pagpasok ninyo ng Senior High School, maririnig ninyo ang salitang Calculus. Marami ang natatakot dito, pero ang totoo, napakapraktikal nito. Ang Calculus ay ang pag-aaral ng pagbabago [g]. Halimbawa: kung gaano kabilis tumakbo ang isang sasakyan, o kung paano lumalago ang isang negosyo buwan-buwan. At ang unang-unang hagdanan para maunawaan ito ay ang tinatawag na LIMITS.
Ano ba ang ibig sabihin ng Limit sa Calculus? Sa simpleng Tagalog, ang Limit ay nangangahulugan ng PAGLAPIT . Isipin mo na sumasakay ka sa isang jeep papunta sa iyong destinasyon. Habang papalapit ka nang papalapit sa landmark mo, hindi mo naman kailangang bumangga doon. Tinitingnan lang natin kung anong numero o halaga ang PINAPALAPITAN ng ating equation. Sa Calculus, sinusuri natin ang gawi ng isang numero kapag nilapitan ito mula sa kaliwa at mula sa kanan.
Heto ang saktong halimbawa na madalas lumabas sa exam. Basahin natin ito ng tama:
lim 2x + 4
x→x3
The limit of two X plus four, as X approaches three.
Ibig sabihin lang niyan, kapag ang halaga ng X ay pinalapit natin nang pinalapit sa numerong 3, ano namang numero ang lalabas sa buong equation? Ang gintong sikreto rito, gagamit tayo ng Direct Substitution . Palitan mo lang ang letra ng X ng numerong pinalalapitan, na sa sitwasyong ito ay 3.
lim 2(3) + 4 = 6 + 4 = 10
Kalkulahin natin: Two multiplied by three, katumbas ay six. Pagkatapos, i-plus mo ang four. Six plus four, ang saktong sagot ay TEN! Ibig sabihin, ang limit ng ating function habang lumalapit sa 3 ay 10. Ganyan lang kabilis! Bago natin ibigay ang susunod na technique, paki-click muna ang 'Follow' button sa ating Page para lagi kang updated sa ating libreng lecture series araw-araw!"
